sunnudagur, apríl 18, 2004
SMÁ EGÓFLIPP!
Rétt í þessu var ég að ljúka við taflmennsku á 2. bikarmóti Eddu útgáfu og Hellis fyrir árið 2004. Stóð ég mig betur en ég átti von á, náði 2. sæti með 7 vinninga af 9 mögulegum. Náði ég að leggja nokkra góða meistara, en tapaði aðeins einni skák, gegn Davíði Kjartanssyni (2275) (með svörtu). Tókst að vinna alþjóðlega meistarann Braga Þorfinnsson (2420)
og gerði jafntefli við sigurvegara mótsins, alþjóðlega meistarann Jón Viktor Gunnarsson (2425). Ég gerði líka jafntefli við Jóhann Helga Sigurðsson (1995), sem stóð sig þrælvel, lenti í 4. sæti með 6.5 vinninga. Vann líka Arnar Þorsteinsson (2220), Akureyring, sagnfræðing og heimspeking, svo tókst mér líka að leggja Jón Kristinsson (2290), sem er hörkugóður skákmaður. Í síðustu skákinni vann ég svo sætan sigur gegn Þorsteini Þorsteinssyni (2255), markaðsfulltrúa RÚV, en hann loggaði sig af án þess að þakka fyrir sig, enda fann ég á mér í taflmennsku hans að hann var alls ekki sáttur, leyfði mér að máta.
Ég hef 2040 íslensk skákstig, og þessi mót eru að sannfæra mig um að ég sé sterkari en stig mín gefa til kynna.
Rétt í þessu var ég að ljúka við taflmennsku á 2. bikarmóti Eddu útgáfu og Hellis fyrir árið 2004. Stóð ég mig betur en ég átti von á, náði 2. sæti með 7 vinninga af 9 mögulegum. Náði ég að leggja nokkra góða meistara, en tapaði aðeins einni skák, gegn Davíði Kjartanssyni (2275) (með svörtu). Tókst að vinna alþjóðlega meistarann Braga Þorfinnsson (2420)
og gerði jafntefli við sigurvegara mótsins, alþjóðlega meistarann Jón Viktor Gunnarsson (2425). Ég gerði líka jafntefli við Jóhann Helga Sigurðsson (1995), sem stóð sig þrælvel, lenti í 4. sæti með 6.5 vinninga. Vann líka Arnar Þorsteinsson (2220), Akureyring, sagnfræðing og heimspeking, svo tókst mér líka að leggja Jón Kristinsson (2290), sem er hörkugóður skákmaður. Í síðustu skákinni vann ég svo sætan sigur gegn Þorsteini Þorsteinssyni (2255), markaðsfulltrúa RÚV, en hann loggaði sig af án þess að þakka fyrir sig, enda fann ég á mér í taflmennsku hans að hann var alls ekki sáttur, leyfði mér að máta.
Ég hef 2040 íslensk skákstig, og þessi mót eru að sannfæra mig um að ég sé sterkari en stig mín gefa til kynna.
Kláraði síðustu helgi að tefla á Skákþingi Mexíkó og gekk bara ágætlega, fékk 6 vinninga af 9 mögulegum, en sigurvegarinn, Juan Carlos Gonzalez, frá Kúbu fékk 7.5 vinninga. 173 manns tóku þátt í meistaraflokki!!!
